2022.11.27(日)-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,271 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.11.19 《前一篇

後一篇》 2022.11.29

回應

給他日記貼紙

給他愛的鼓勵

檢舉

篇名: 2022.11.27(日)
作者: C	日期: 2022.11.27　　天氣: 　心情:

今仔日是十一月二七，禮拜日。我佇葛雷多摸非。
昨昏載阿爸阿母轉去庄跤頓票。
昨昏早仔先來葛雷多摸非，先共產品記錄登記，
閣去阿兵哥早頓店買兩塊歐母蛋吐司，全家買兩歐咖啡，寄一杯。
趕轉去放屎了，陪囡仔起床，
紲落去愛載阿母去庄跤揣阿爸。
先去地頭阿姨遐送魚仔感謝頂擺的幫忙，伊嘛送三份早頓予阮
去阿爸園裡鑢一下仔草仔，伊講鋸盤較鈍矣，誠歹割。
載阿爸阿母轉去舊厝，伊閣埋四佰五的菜，我摜去車頂囥
彼位越南頭家娘，喙水好，誠有人緣，誠摮做生理
阿爸阿母閣看著有一擔魚擔，有中管，總買，四仔五，買轉去才知是鰇魚，較無價值
舊厝的電動鎖匙閣無電矣，我閣走去後壁鎖店揣頭家換鎖匙，40箍

無偌久，阿兄嘛來矣，伊頓票頓好矣。
中晝做伙食羊肉米粉。順紲收後個月厝稅。
食了，阿兄先轉去，阿爸阿母先去頓票，我顧厝
阿爸阿母轉來了，換我去頓票，頓了，開車來接阿爸阿母。

轉來了，太太嘛取囡仔去附近國中頓票。
太太講囡仔去遐攏無知好歹叫伊愛頓幾號
害伊誠緊張會予人趕出去

暗時開票。閣見證一擺臺灣的民主。
選舉由來攏是選激情。四年前嘛是按呢。
選民的智慧真正是智慧啊。一擺一擺攏說明了人類文明的緩慢演進。
就親像諾貝爾獎毋是頒予愛因斯坦的相對論仝款
這馬是佇西奈半島的第五冬
青苗法實行的第三冬

太太昨暝對我講，囡仔講誠久無三人做伙坐火車，明仔載敢會當莫無白走？
昨暝太太陪我整理發票，鬥揣我的卡，結果攏揣無。
我昨暝趁太太取囡仔出去食暗頓時，共聖誕鈴聲配揀單的倒手彈法，想愈較囡仔彈
毋過可能伊誠悿，攏無想愈學，我嘛無想欲插伊

囡仔最近攏會叫我抱抱睡，我就愛一枝手共攬咧，誠歹睏，
伊攏會叫人共陪，因為會驚木乃伊....
我想可能是欲大漢矣，這是最後司奶人生的手段，
若無緊把握，連鞭伊就無需要爸母矣。
嘛是愛緊共疼較著。

標籤:

瀏覽次數:124 人氣指數:124 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：