2023.5.13-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,541,271 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.5.7 《前一篇

後一篇》 2023.5.20

回應

給他日記貼紙

給他愛的鼓勵

檢舉

篇名: 2023.5.13
作者: C	日期: 2023.05.13　　天氣: 　心情:

今仔日是五月十三，禮拜六。我佇葛雷多摸非。
停仔摸非了欲載太太囡仔去臺中過母親節。

這幾日悿甲無法度，會呼雞袂歕伙。
昨昏早仔，產品小檢了，洪仔閣叫我去共產品員工伊鼓勵一下。
我早頓拄食了，隨應好，馬上去對面全家，買兩罐汽水佮一甌咖啡過。
用兄弟氣口佮遐的員工乾杯。
第一名的彼組愛鼓勵，第四名的誠鬱卒，我嘛是共伊鼓勵，檢討原因，提供意見。
這段算加的。無湯無粒，佮愛開錢做大哥。
洪仔原本佮叫我下晡調班共伊看，這就不近人情。我共拒絕，我毋是無工課耶。

洪的廠班規矩無偌好，我先整頓幾項：
首先是中晝歇睏的情形。從原本第一工的四件，九件、十五件，一直到這馬平均二十件。
除了幾個走精以外，大概攏穩定落來。
第二是中晝摸非遲到慢到的，我就隨个落去外口呼入來。
這馬中晝遲到情形大大改善。
第三是個別，譬如個別環境垃圾的，我輔導伊共物件收集款好。
員工心理蓋重要，先莫予人嫌，較歹猴的，莫硬拄硬，腹腸較闊咧，予伊有臺階落，
鳥仔咱偌掠袂牢，就共唌，予伊飛悿家己落來。

閣來就是，員工攏愛紮泡麵來泡，我先共伊說明內底成分
為著身體好，建議莫帶。偌欲帶，愛經過同意。
昨昏存一位崁頭崁面的帶來，

基本上攏是因為員工袂爽洪仔，才會衝突到這馬。
洪仔欲走矣，隨然佮伊講遐濟，伊嘛是袂曉改。
平平是業界，另工換捌間，作風若無改，仝款的問題嘛是會一再出現。
伊攏想是員工故意唱聲的。
伊攏想講我共幫忙是應該的。
伊應該是驚甲破膽，攏無想欲佮員工產品接觸。
我感覺伊就像囥佇尪架桌頂袂降駕的神尊佛仔，
愛人舉香拜拜，煞袂曉辦事同款。信徒久來當然嘛袂信。

我閣愛悿三禮拜，六月伊講欲倩代班，頭家彼邊聽講嘛誠為難
無相想欲替伊倩工。伊家己想辦法，這無我的代誌。

.................................................

話講：武林風波不斷。
經過聖劍會這擺的出手，隨然暫時無紲落來的作為，煞已經佇眾門派中引起不少的猜疑。
眾人紛紛猜測：背骨仔究竟是誰？

若是了解江湖事的，大概攏有一个影。
衡山派掌門周長老首先家己跳出來澄清，對華山掌門講，麻煩道兄向武林澄清，烏函毋是我發的。
華山掌門王道長冷笑一聲：那有請周道兄向聖劍會要求澄清毋是你。
周道長一聽，神情黯然，匆忙告退。

五月，某一日，中晝。有地方亂事。竟然亂到衡山派裡，究竟何事？請看續集，便知分曉。

標籤:

瀏覽次數:149 人氣指數:349 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：