2023.7.3-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,540,141 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2023.7.1 《前一篇

後一篇》 2023.7.5

回應

給他日記貼紙

給他愛的鼓勵

檢舉

篇名: 2023.7.3
作者: C	日期: 2023.07.03　　天氣: 　心情:

今仔日是七月初三禮拜一。我佇葛雷多摸非。
我應該愛開始做囝仔的教具矣。
我昨昏閣想著英語句型的做法，會當試看覓。只是我英語無好，毋知對佗開始。
首先，第三日矣，結果我的大表、目標、規則攏猶未印。

昨昏早仔嘛試來葛雷多摸非。補寫頂一篇日記了。買早頓轉去放屎。
中晝全家欲做伙食飯，佇岡山享溫馨。我開車載阿爸阿母，囝仔講伊欲佮太太坐捷運去。
開省道，感覺我彼台老車的聲愈來愈大。攏無敢開傷緊。

我大約十點出發，半點外鐘到。因為閣揣停車位，就去賣場外口等到十一點開門。
驚阿爸阿母袂堪得行，毋敢傷踅，做佇內底吹冷氣等。
無偌久，太太嘛和囡仔落捷運矣。
阿姐較無閒，伊愛先佇厝裡共大家官洗身軀好，款予伊食了，才閣越轉來載阿兄阿嫂做伙來。
十一點四十，佮逐家做伙行去餐廳，佇二樓倫敦。
因為新型點歌系統袂曉用，請服務生紹介，這馬攏愛掃QR碼。
當咧紹介，阿姐敲電話來欲揣停車位，我予服務生講，伊共阿姐講愛停到捷運站後壁。
久無唱歌，加上確診過，我感覺上無啥會起去。
閣過因為食飯，就放歌來聽。
阿嫂食素，所以另外幫伊叫一份。我佮太太囡仔這站仔嘛允講欲食菜，
嘛是只好揀邊仔的菜食，正經好料攏無挾，干焦一直飲羮湯。
食甲兩點半，點歌嘛禁起來，換美國來的小妹妹起去唱。
欲轉去時陣，予樓跤櫃台小姐認著，十外冬前伊嘛是產品客戶。

我欲開車，先叫阿爸阿母佇門口等，免行遐遠，結果煞發現停車費無夠，愛225。
驚死人，夭壽貴。我身軀總啊共啊嘛才180
我敲電話予太太無接，想欲轉去揣阿爸阿母借，結果想著車發矣無關，閣轉去關火，
看著閣有零星20箍，鬥起來嘛無夠，我決定轉去借，
結果閣揣著橐袋仔猶有50箍，鬥起來應該有夠。
總算共車開出去，結果煞因為停車場出口是大路，閣愛踅一輪轉來。
停紅燈時陣太太敲電話來，阿爸嘛插撥。誠歹勢予序大等遐久。
我先載阿爸阿母去豬牢買大餅才閣開高速轉來。
開甲咧盹龜，連落高速嘛是會愛睏。
平安到厝了煞開始枵，先泡半包三合一咖啡，閣共昨日囡仔無食的麵包食了。
太太敲電話來，講囡仔欲坐火車轉來到火車頭矣，叫我去捷運站等伊。
我就隨閣出門，騎太太的機車去等，太太講欲去圖書館借冊，
先騎去食素食做暗頓。閣去總館提冊。
暗時，囡仔為著欲和姑姑阿丈哥哥做伙食飯，伊嘛是閣吞半碗糜。
九點外，我佮太太囡仔佇房間看冊，囡仔走來坐佇我的身上，佮我做伙看。我就念予伊聽。
太太講囡仔已經看甲咧盹箍矣猶毋甘睏。誠古錐。

標籤:

瀏覽次數:159 人氣指數:359 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：